 |
مبدأيا كده أحب اعرفك أن الهرم الأكبر مثلا مكون من
2 مليون و 300 الف حجر تقريبا
وزن الحجر الواحد بيتراوح ما بين 2 طن إلى 15 طن
و في احجار بتوصل ل 70 طن انت مستوعب الارقام
 |
المخلوقات الفضائية هي اللي بنت الأهرامات
و الموضوع ده مش مجرد اتنين تلاتة مؤمنين بيه
لاده ناس كتير جدا
_ناس تانية تقولك اصل القدماء المصريين كانو عمالقه
و سهل يرفعو الاوزان دي عادي جدا
طبعا الكلام ده مش صح يا جماعة محدش يصدق الهبل ده
ما المومياوات بتاعتهم في المتاحف اهي ولا شفنا عمالقة ولا بتاع
في بقى القصة اللي كانو بيقولوها واحنا صغيرين ان الأحجار دي جابوها من جنوب مصر لحد موقع الهرم
وبعدين عملو ساتر ترابي حوالين الموقع و بدأو يسحبو الاحجار دي على بكر خشب
و أعتقد ان ده مش منطقي عشان التراب و البكر الخشب ميقدروش يشيلو الأوزان دي ده غير انك هتحتاج ساتر حجمه اكبر من الهرم 10مرات عشان توصل للقمه
ده غير ان بعض العلماء اللي بينفو الفرضيه دي بيقولو ان عشان تشيل الساتر الترابي ده كله و يبقي ملوش اثر ده يعتبر انجاز اكبر من انجاز بناء الهرم
طب نسيبنا من الكلام ده كله و حد يفهمني ازاي الحجارة دي اترصت بالمنظر ده من غير اسمنت ولا اي مواد لاصقه
ناس قالولك ان القدماء المصريين كانو بيحطو الحجارة فوق بعض و بيفرغو الهوا اللي بينهم عن طريق خلخلة ذرات الهوا
لكن مفيش اي اثباتات للكلام ده لحد دلوقتي
بعض العلماء قالو ان الأحجار دي متنقلتش ولاحاجه و إنها اتصبت في مكانها
وان القدماء المصريين كانو اكتشفو طريقة خلطة كده بتكون صخر مصطنع اشد صلابة من الخرسانه بتاعتنا
و الخلطة دي كانت عبارة عن طين و مواد كميائية بيتم تسخينها
و الخليط ده لما بينشف شكله بيبقى زي الصخور بالظبط
و ده بيفسر البناء و نحت الصخور بالشكل المثالي ده
و لحد دلوقتي العلماء بيحاولو يستنتجو سر الخليط ده اللي بيعتبر واحد من الألغاز الكتير للقدماء المصريين
«و دي ياجماعة مجرد فرضية برده للعلماء و لكن هي الأقرب للمنطق»
و مفيش اي فرضية من دول مؤكده لحد دلوقتي و لحد النهاردة الدراسات و الابحاث مستمرة عن كيفية بناء الاهرامات العملاقة دي و ده سبب من أسباب ان الهرم من احد عجائب الدنيا و بيبين مدى العلم اللي وصله القدماء المصريين
تعليقات
إرسال تعليق