تعرف مين هو صاحب شخصيه سانتا كلوز الحقيقيه
في القرن التالت الميلادي القديس نيكولاس أسقف بلد ميرا الرومانيه الراجل ده ابوه مات وسابله فلوس كتير جدا وهو مكنش عارف يعمل بيها ايه ولا ايه وعشان هو راجل طيب وقلبه حنين قرر يستغل الفلوس دي في عمل الخير للاطفال والفقرا الراجل ده بقي بينزل بليل يشتري هدايا كتيير ويوزعها من غير ما حد يشوفه ولا يعرف مين عمل كده القديس نكولاس مات في نص القرن الرابع وتحديدا يوم ٦ ديسمبر سنه ٣٤٣ م فضلت سيرته الطيبه بين كل الناس في اوروبا الاوروبين كبروا الموضوع
واخترعوا قصص واساطير يحكوها للاطفال الصغيره عشان يسمعوا كلام بابا وماما اقنعوهم انك لو عملت حاجه كويسه سانتا كلوز هيجيلك بليل ويديك هديه ولو عملت حاجه وحشه مش هيجيلك ومش هيديك حاجه وبقوا بيستنوا يوم وفاته من كل سنه يوم ٦ ديسمبر عشان يجي يوزع الهدايا علي الاطفال الطيبيبن شخصيه القديس نكولاس انتقلت بين دول اوروبا من ميرا الي هولندا وبريطانيا وبعدين امريكا وطبعا دول لازم يحطوا التاتش بتاعهم وغيروا تاريخ الاحتفال من يوم ٦ الي يوم ٢٤ ديسمبر يوم ميلاد السيد المسيح ومع اختلاف الدول اتغير اسم القديس نكولاس سانتا الي سانتا كلوز لحد ما وصل الموضوع عند clarke moore سنه ١٨٢٣ وكتب قصيده بعنوان "زياره من القديس سانتا " وبدأ يحدد ملامح للشخصيه من وحي خياله بيقول فيها ان سانتا شخص طيب بدقن بيضه طويله ولابس طرطور وبدله حمرا وجاي من القطب الشمالي علي عربيه بعجل بيقودها ٨ من حيوانات الرنه اللي بتطير وقال ان الراجل ده بينزل من دفايات البيوت بليل يوزع الهدايا علي الاطفال ويمشي طبعا القصه عجبت الناس وبقي ده السايد في العالم كله
تعليقات
إرسال تعليق