قميص المأمون

معظمنا شاف فيلم الفيل الأزرق علي الأقل الجزء الأول بس.

ناس كتير شد انتباهها القميص اللي مليان بالطلاسم والأشكال الهندسيةالدقيقة، القميص المعروف ب أسم (قميص المأمون).
في البداية كده الاسم المعروف عن القميص في الفيلم غلط لأن القميص ده كان صاحبه شاه أسمه صفي الثاني بن عباس الثاني واللي اتعرف برضه بأسم السلطان سليمان الأول اللي حكم إيران زمان جداً. 
السلطان ده  كان حياته كلها شرب خمور وعربده وآخر قلة ادب واللي في الآخر مات بسبب فرطه في شرب الخمور.
بس تعالي أحكيلك حاجه تانية معروفه عن السلطان ده وهي أنه اتقال عنه انه منحوس!!
عاش السطان سليمان طول حياته قبل حكمه في (الحریم) ده كان تعبير وقتها بيشير إلى جناح النساء في قصر الحاكم وزي ما قولتلك فوق انه مكنش يعرف حاجه عن الحياة إلا الخمور وكانت حتي صحته علي قده ومش ولابد.
في اول سنین حكمه الدنيا حطت عليه من كوارث طبيعة لغارات وحروب على الدولة الصفوية والدنيا بقت مش تمام خالص.
ومن هنا أبتدي المنجمون والمشعوذين وقتها يقولوا أن السلطان النحس ده تم تتويجه في ساعة منحوسه ولازم نتوجه من أول ونضيف وحصل و أعادوا تتويجه باسم سليمان الأول 
تعالوا بقي نرجع للقميص...
القميص ده موجود في المتحف الإسلامي المصري وطوله 137 سنتم تقريباً مصنوع من الكتان المزخرف بشوية أشكال هندسية وبعض الآيات القرآنية والطلاسم السحرية كنوع يعني لحماية اللي لابسه من العين والحسد والسحر وده كان بيتعمل مخصوص زمان للملوك العثمانيين والصفوية ولعلمكم هو مش القميص الوحيد دول 8 قطع حوالين العالم في مصر وتركيا والمانيا وإيران بس الحقيقه معرفش معروضين فين بالظبط في الدول دي.
السؤال بقي هنا هو القميص ده بالذات (بتاع صاحبنا الفلاتي) وصل مصر أزاي 
في الحقيقة القميص ملهوش اي تفسير في طريقة وصوله لمصر!!
في رواية بتقول أنه أتقدم كهدية الى احد الملوك العثمانيين وقتها وتوراثته الأجيال الى ان وقع في أيد شخص أسمه (مصطفي شمس الدین) ومحدش يعرف وصله أزاي! 
وبعد كده أشتراه منه واحد أسمه (ماکس هرتز) كان كبير مهندسي حفظ الآثار الإسلامية وقتها، والغريب بقي ان مصطفي شمس الدين ده باعه بتمن بخس وده اللي آثار دهشة (مارك هرتز ) القميص يساوي ثروة فعلاً ف ليه وافق مصطفي  علي بيعه بتمن بخس كده وكأنه عايز يتخلص منه بأي طريقة 
 غريبة صح 
اخر حد لبس القميص ده جايز يكون مات مقتول،جايز! طب ايه اللي خلاني أقول كده؟!
هقولك بقعة الدم اللي ع القميص واللي تم توثيقها فعلاً بانها بقعة دم مش مجرد بقعة وساخه مثلاً نتيجة عوامل جوية علشان القميص قديم لاء ده دم
حقيقة لكن لا تخلو من الشكوك لأن اخر حد نعرفه من القصه الغريبة دي كان لابس القميص مات متأثر بالكحول ومفيش أي تفسيرات تانيه بخصوص صاحب بقعة الدم...